La virgogna
E’ cosa fi acca cu nasci virgugnusu:
no parli, no rusci, va’ sempri cu lu musu.
Ci ‘ncunùnu ti uàrda o n’atru cu ti vanta,
ti faci russu ‘nfacci, chiù forti ti na vampa;
e sia ca stai alla scola o puru cull’amici
la lengua si ‘nturtògghia, no sai quddu ca tici.
Ci spàsimi t’amori, ti piaci na carosa,
senza cu dici nienti tu già la vuei pi sposa.
Ti ni faci cu jessi, ti sienti cumplissatu,
a voti ti jastièmi lu giurnu ca nci ha’ natu.
Certu, non è cosa ca questa po’ turàri,
nci voli nu rimetiu, an forza, pi cangiari.
N’omu ti spiriènza, ca n’era fatti tanti:
“ Stu mundu- sittinziau- eti ti tutti quanti:
Pirciò, nobili, fuerti, furbi e putienti,
a ci è ca teni sordi o ca no teni nienti,
ci nasci già signuru o è omu ti successu,
sàcci ca la matina comu a tèi si ssetta a cessu! ”
Ma ci è ca l’er’a diri ca qustu era lu segnu:
cu no ti nni virguègni ti basta nu bisuegnu!