La villa cumunali
Nu pulmoni ti verdi ‘mmienzu allu paisi,
nu saccu ti cristiani ‘ssittati e puru tisi.
Lu cori ti la vita cittadina,
‘ncignava a battiri già ti la matina.
Sott’alla villa, ogni angulu na funzioni,
tuttu fi lava lisciu, no nc’era cunfusioni.
Pigghiamu ti lu quartu ca porta alla Stazioni:
tannu no nc’erunu mezzi ca nci stannu moni;
stutienti e ‘mpiecati, ti pressa la matina,
fucìunu pi lu trenu o pi la littorina.
Ti l’atra vanda, ‘nveci, la strata ti Latianu:
mammi e piccinni ‘nsiemi, ‘cchiappati manu a manu,
‘rrivaunu ti luntanu pi scìri alla “Carducci”,
cu si ‘mparàunu a lèggiri e no ristari ciucci.
Sott’allu purtoni spittava Chicchinela,
ca ti ‘nzurdìa li recchi cu quedda campanella.
Ma, ‘mmienzu allu viali e sinu alla funtana,
sia ca nci stava soli o nc’era tramuntana,
sempri alli stessi posti, ti ‘ddà no si muvìunu,
li vicchiarieddi nuestri parlàunu e si cutìunu.
E’ giustu e l’am’a dìri ca buèni ‘dda’amu stati
e tacchi e spizzaturi ce nd’amu cunsumati !
Ci sà catìa na gnanda, la uerra ca scuppiava,
pi ci ‘rrivava prima e cu la scrafazzava.
Ci poi, intr’àlla iola ‘zzumpava lu palloni,
fucìa Pagghialonga ti cretu allu vagnoni.
No nc’era ti bisuegnu cu vai allu tiatrinu
quandu ‘ddo Pirazzu sciucàumu a bigliardinu.
Ce cosa ti pirdivi ci ‘dda’ no nc’ieri sciutu
pì sèntiri “lu Calciu minutu pi minutu”:
Carosiu e Martellini sintivi ‘rraucati,
mentri ti sta facivi li megghiu ‘lliticati.
All’angulu, allu iòscu, ti tuttu si parlava:
certu no stava buenu ci Rolli no critava.
Ci t’er’a di’ na cosa, Matonna mia ce peni !,
ti ‘nturtigghiava ‘ncapu na crona ti jastemi.
Toppu la Santa Messa, ti festi cumandati,
era lu postu giustu pi ziti e ‘nnammurati;
e quandu la sciurnata brusciava pi lu soli
lu megghiu rifriggeriu truvavi ‘ntra li iòli.
La ‘rdori ca sintivi girandu pi li viali,
l’acieddi ca cantaunu ansiemi alli cicali
nci taunu nu sapori, nu sensu alla friscura
ca ti sintivi megghiu ti na villiggiatura.
Quanti culacchi e fatti si pòtunu cuntari
ti nu postu e nù tiempu ca no nci pò turnàri!
Tipi speciali ca sembrunu stampati
‘ntra lì viali cunsumati ti migghiari ti pitati.
Puccianna, Fifìu, Scunòcchia e Farcunettu,
ce pièrni!
n’hannu fatti e strafatti, ‘dda’ sotta ti Cuverni!
Malannata, Spocu e Frichilloni,
sia ca mo’ li vesciu parlari ti palloni.
Zu Cocu, Basimeni, Bonatesta, l’Ungulicchiu e
l’Erculinu: pari ieri quandu ‘ddivintara Ragiunieri.
Lu Barlittanu, Chianconi, lu Marcanti:
cu li muntuvi tutti, viti ca sontu tanti.
Ti tutti quiddi ca ‘dda’ nci hannu crisciuti,
tanti hannu rumasti, atri si n’hannu sciuti.
Tutti ‘sti cosi passunu alla storia
e sontu ti Misciagni la mimoria.
So’ cosi belli, ca no scriunu li giùrnali,
ma stannu ‘ntra lu cori ti la Villa Cumunali.