Tutti quiddi ca lu Premiu hannu pigghiatu,
Misciagni nuestru no si l’erunu scurdatu;
tornunu sempri e tornunu ogni annu,
cussì comu prumessu prima cu si ni vannu.

E’ stata na sirata ti crandi cummuzioni
n’tra quedda curnici ti musaca e canzoni:
Genti nci nn’era e chiù no ni cacciava,
la chiazza ti Sant’Anna sia ca spittirrava;
puru la luna, appena s’è ‘nfacciata,
‘ddà s’è fi rmata e no s’è ‘rritirata.

Ci pienzi alli premiati, com’erunu emozionati
capisci quiddi lacrimi ca a nui nd’hannu sciulati,
speci quandu lu Premiu hannu pigghiatu,
uardandu ‘n cielu e a ci l’hannu dedicatu.
Hannu pinzatu a ci è ca no nci stava
ma ti ‘ddà sobbra comu li sta uardava.

So cosi belli, emozionanti assai
e “Grazi !” alla Pro-Locu c’ancora ndi li tai!

Era mestru cu vindia,
cu tagghiava e cu cusia:
Scarpi cruessi o stuvali
pi villani e manuvali.

Ci po’ l’acqua trapanava,
li calosci ti ‘ngarzava.
Comu era o comu sia,
senza nienti no s’assìa.

Ci ncununu si lagnava
ca lu numuru mancava,
la ‘llargava, la scusìa,
ma la scarpa nci vindia.

Sulu unu prutistau
e la scarpa nci lassau:
c’allu muertu no trasia
e chiù grandi la vulia.

Lu scarparu, cu pacienza,
mancu fossi na sintenza:
“ Fessa mia! Tu l’hà capiri
ca lu muertu ce pò diri:
ca va stretta e no’ ncì trasi ?
Spingi e po’ vi’ comu lu quazi !
Tanti muerti agghiù sirvutu,
mai nisciunu è ‘ntervinutu,
e, giacchè no’ s’è lagnatu,
certu buenu è caminatu! “

Tutti quiddi ca lu Premiu hannu pigghiatu,
Misciagni nuestru no si l’erunu scurdatu;
tornunu sempri e tornunu ogni annu,
cussì comu prumessu prima cu si ni vannu.

E’ stata na sirata ti crandi cummuzioni
n’tra quedda curnici ti musaca e canzoni:
Genti nci nn’era e chiù no ni cacciava,
la chiazza ti Sant’Anna sia ca spittirrava;
puru la luna, appena s’è ‘nfacciata,
‘ddà s’è fi rmata e no s’è ‘rritirata.

Ci pienzi alli premiati, com’erunu emozionati
capisci quiddi lacrimi ca a nui nd’hannu sciulati,
speci quandu lu Premiu hannu pigghiatu,
uardandu ‘n cielu e a ci l’hannu dedicatu.
Hannu pinzatu a ci è ca no nci stava
ma ti ‘ddà sobbra comu li sta uardava.

So cosi belli, emozionanti assai
e “Grazi !” alla Pro-Locu c’ancora ndi li tai!

No tutti rispundìunu, no tutti si ‘’nfàcciaunu,
e quiddi ca putìunu na cosa nci la tàunu:
a voti robbi vecchi ca chiù no si mintìunu,
ti pani, casu e frutta la sporta nci l’anchìunu.

Mossi no ni facìa, gnincosa ricugghìa,
ca quddu ca li tàunu sicuru li sirvìa.
Lu tiempu cu saluta, ringrazia e si ni scìa
priandu la Matonna ca lu sta pruvvitìa.

Erunu tiempi tristi, nc’era la fami nera,
era già na furtuna ‘rriva’ sin’alla sera!
Appena ca scurìa, nu lampu, e po’ sparìa:
nu ponti o na pagghiara bastava cu durmìa.

Cu cierchi la limosana nci stava lu bisuegnu,
nu picca ti curaggiu e tantu ti ritegnu;
nienti mo’ si capisci, ci chiù ‘llonga la manu,
cercunu la limosana struppiandu l’italianu.

A ci no parla propria: cu nu cartoni scrittu
tici ca lu maritu è stroppiu e nu rilittu,
li fi liu so’ piccinni e puru hann’a mangiari:
ti tocca cu stai attientu pi quddu ca nci ha’ dari.

E ci, mai sia, so’ picca li sordi ca nci ha’ tatu,
a quddu paisi, certu, vi’ ca t’hannu mandatu!

Spiravi ci sa’ edda nu giurnu ti ‘ccuntrava,
vistu ca era cieca e mancu nci ‘ngurciava.

Vi’ ca so’ tanti li cosi ti cuntari,
e so propria tanti li cosi ti pinzari:
Quddu non è ‘cchiappata mai na cardarina
scangiava lu cimientu pi porviri o farina;
mai fattu o capitu ti fabbricatori,
e mo’ vendi casi comu n’imprenditori.

L’atru vitìa la zappa, ma no si ‘nvicinava,
ti sciri fori mancu si nni parlava.
Senza cu meti o ‘ccogghi ti l’antrata
è divintatu commercianti ti ‘nzalata.

N’atru cu casa a fi ttu e na pagghiara fori
feci studia’ lu fi gghiu ca ‘ddivintau tottori:
Si l’è propria ‘mmiritata sta soddisfazioni
toppo na vita ti stienti e puru privazioni.

A voti la furtuna paja a ci è ca vali;
atri voti si fi ssa e so’ cambiali.
Lu tistinu è cussi’: si ‘ncapunisci
e servi picca ci sai o no capisci.
No nci stannu paroli, no nci pò sta’ cummentu,
ti po’ viniri mali o sci’ allu Parlamentu.
Roma, agosto 1994

Ci ‘ncunùnu ti uàrda o n’atru cu ti vanta,
ti faci russu ‘nfacci, chiù forti ti na vampa;

e sia ca stai alla scola o puru cull’amici
la lengua si ‘nturtògghia, no sai quddu ca tici.

Ci spàsimi t’amori, ti piaci na carosa,
senza cu dici nienti tu già la vuei pi sposa.

Ti ni faci cu jessi, ti sienti cumplissatu,
a voti ti jastièmi lu giurnu ca nci ha’ natu.

Certu, non è cosa ca questa po’ turàri,
nci voli nu rimetiu, an forza, pi cangiari.

N’omu ti spiriènza, ca n’era fatti tanti:
“ Stu mundu- sittinziau- eti ti tutti quanti:
Pirciò, nobili, fuerti, furbi e putienti,
a ci è ca teni sordi o ca no teni nienti,
ci nasci già signuru o è omu ti successu,
sàcci ca la matina comu a tèi si ssetta a cessu! ”

Ma ci è ca l’er’a diri ca qustu era lu segnu:
cu no ti nni virguègni ti basta nu bisuegnu!

No! Non ti lascio!
Mi hai stregato, ti porto dentro!

Terra dura
com’è duro il lavoro dei campi,
com’è duro il lavoro che manca,
com’è duro il cuore dei malvagi.

Terra arida
come il volto tirato dei contadini.
Terra ruvida
come le mani di chi ti lavora.
Terra bagnata
dalle lacrime di chi ti piange lontano.
Terra fertile
nobilitata dal sudore dei tuoi fi gli.
Terra felice
come lo sguardo ed il cuore di chi t’ama.
Terra maledetta
come l’animo dei disperati.

Terra mia,
le tue radici mi hanno stretto,
legato,
imprigionato.
Ma il peso delle tue catene
mi ha reso libero di volare
e di restare qui
con te!

Li viti beddi, bianchi e russi culuriti,
e sempri sistimati. Ca poca no lu criti!

E sia ca vannu fori o vannu allu tabbaccu,
si mèntunu la conna e portunu lu taccu.

E sempri cu la sciocula, ritendu e po’cantandu,
si fannu la sciurnata, fatiandu e suspirandu.

Suspirunu l’amòri, ‘nfacciati allu farconi:
ci passa quddu giustu, scendunu allu purtoni.

Nci trèmula la voci, nci pàrpata lu cori,
capiscunu ca è quedda l’ora ti fà l’amori.

Ce so’ beddi li femmini ti Misciagni!
Ci ti nni va’ ‘nnamuri, no tieni cu ti lagni!

Tornunu ti la mestra ti tagghiu o ti ricamu,
tenunu ‘ntra li casi sempri la scopa a manu.

Quìddi ca vannu fori, scopunu la sera;
ci po’ si n’hann’a scendìii, spettunu ti la fera.

Mo, vannu all’Oscianna, no chiui allu macazzinu,
no volunu lu villanu e mancu l’imbianchinu.

Si vestunu alli nicozi, no vannu allu marcatu,
ci po’ s’hann’a spusari, volunu l’impiecatu.

Si cùrunu alli palestri, li viti cussì ‘mpupati,
li scopi ti li casi ormai l’hannu ‘mmullati.

Ce so’ beddi li femmini ti Misciagni!
Ci ti nni và a ‘nnamuri, no tieni cu ti lagni!

Villani o stutintessi, ti casa o, mò, cummessi,
so’ di cirvieddu fi nu, no sontu fìlu fessi.

Pritendunu, cu forza, cu fannu li signuri,
cu tantu ti rispettu, purtati cu li fi uri.

Pi fari li sirvizi, vòlunu la “badanti”
e, quand’hann’a scupari, si mentunu li guanti.

Ce so’ beddi li femmini ti Misciagni!
Ci ti nni và a ‘nnamuri, no tieni cu ti lagni!

E’ la leggi ti marcatu ca cumanda:
scendi l’offerta,‘nchiana la dumanda.

La stessa leggi ca recula rapporti,
‘ntra masculi e femmini, tici ci è lu forti.

Era l’omu ca prima cumandava,
quando na femminista no nci stava.

Pari Opportunità mo’ s’hannu ‘nvintati
tutti li femmini, ziti e maritati.

Pritendunu ucuaglianza ti tiritti,
si mentunu li quazi, megghiu, ci so’ stritti.

Puvirieddu lu masculu, va prèa la Matonna,
ce pò purtà li tacchi cu la miniconna ?

Sta cangiunu li tiempi e li usanzi,
no si capisci chiù lu cretu cu lu nanzi.

Prima soltanto l’omu sa fatiava
e la femmana ‘ntra casa lu spittava.

Ci iddu era buenu e puru funziunava,
la mugghieri sempri fi li scià ‘ccattava.

C’èrunu belli li famigli numerosi,
cu li mugghieri culuriti comu rosi !

Li masculi, fi tienti e nu pocu esuberanti,
erunu spusati e si facìunu l’amanti.

Mo’ li roti, comu sia, s’hannu sgunfi ati,
sò sempri menu li masculi ‘nzurati.

E li femmini, ca ormai s’hannu ‘mparatu,
vannu trittu trittu allu semi cungilatu.

Ncununa ca è rumàsta femmana all’antica,
voli nu bellu masculu e Diu la binitica!

Ci l’omu è sfurtunatu la trova fredda e acra,
ci propria voli ‘bbènci nci tocca lu “viàcra”.

Ormai è risaputu: la femmana no scendi
e lu masculu subisci la cosa ca li ‘ppendi.

Eti la stessa cosa ci vai allu marcatu:
lu pesci ‘nchiàna sulu ci è friscu ti piscatu.

“Masculu è l’acciu!”, quantu voti amù critatu;
mo’ sortantu funucchiu tu viti simminatu:

“Masculu è l’acciu!”, quantu voti amù critatu;
mo’ sortantu funucchiu tu viti simminatu:

na Chiazza ricca ti storia ti paisi,
‘nfullata ti cristiani a ronda e sempri tisi.

‘Ddo’ ti fi rmavi fi rmavi, sintivi battagliari
pi la sciurnata fatta e lu priezzu ti paiari.

Fatturi e cuntatini, trainieri e prupitari
adda’ si prummittìunu com’erunu a fatiari.

‘Rrivata la stagioni, ti ‘dda’ no si passava
ca, puru ca sunavi, nisciunu si spustava.

Maturi poi li tiempi ti ‘ccuminzà a pumpari,
li giuvini fucìunu pi l’acqua a carisciari.

Priavi lu Signori ci sa no nci chiuvìa
cu no spulescia l’ua ca, bona, sta criscìa.

Spicciati li vindegni, ci ‘ncuna lira nc’era
spittavi cu la spindi li giurni ti la fera.

La fera ti la chiazza ‘dda’’mmienzu si facìa:
puru ti fori terra ti genti nni vinìa.

Barracchi ti cappotti tutti cunfi ziunati,
sirvìunu pi quanti si l’erunu strazzati.

Intantu, l’orologiu lu quartu nni sunava,
pi quiddi picca voti, ca, armenu, funziunava.

Sinbrava, comu sia, ca tu no nc’ieri assutu
ci ‘mmienzu allu Sitili pigghia no nc’ieri sciutu.

La Scola, la Pritura, Bar e Farmacia,
ci, mai sia, ‘dda’ ‘mmiènzu na cosa ti vinìa.

Putèi ti barbieri e di mestri cusituri:
‘dda’ intra nni sintivi ti tutti li culuri.

Na scola ti ricamu e tàgghiu, ca fi rvìa,
e maru a ci passava pi cuddu ca sintìa.

Era nu tiatrinu, ti tuttu si parlava:
ti prieviti e pulitici nisciunu ni scappava.

Nc’era Franciosu, all’angulu, giurnali ni vindìa,
e ristava senza voci già sott’a menzatìa.

Ti l’atru quartu, ‘nveci, “Cazzillu-Alimintàri”,
lu megghiu ‘dda’ truvavi, ti c’ieri a sà ‘ccattari:
sazizza, murtatella o provula piccanti,
appena ‘dda’ trasivi, ce ti truvavi nanti?

Nu tisciutu smuzzatu, pari ca ti signava;
e inveci la sazizza Cazzillu sta tagghiava.

Ci ier’a sà sciucari lu lottu o la schitina,
Loggetta ton Micheli già stava la matina.

Ci nu scarpinu buenu l’abbutu richitìa,
stava Rismondu Cuomu ca tuttu ti vindìa.

Ma n’atru pirsunaggiu ti crandi fantasia,
facìa lu Sacristanu: era Zù ‘Ntognu Pia.

Sirvìa tutti li messi, ma puru jastimava,
passava la quantiera, Dìu sapi ce ristava.

Nni ‘ccumpagnava muerti, e puru nni ‘ddifriscava,
ma li campani a iundulu a tutti nci li sunava.

Natu ‘ntra na famiglia onesta e popolari,
undici li fìli ca èrunu a mangiàri.

Non era lu chiù crandi, ma sempri lu ticìa,
ca, a ce facìa l’anni, surdatu si nni scìa.

Appena lu pigghiara, in Cina ‘ccuminzau,
e appena ca turnau sirgenti ‘ddivintau.

Partiu pi la Libia, spicciàu alla Turchia,
in Grecia cumbattìu e puru all’Arbania.

Si feci to’ mundiali, no certu ti palluni:
ti uerri si trattava, ti bombi e di cannuni.

No tuttu scìu buènu, ‘ccappau na ‘nfurrata
quandu lu sà mandara alla Russia cungilata:

All’urtumu mumentu, senz’armi e senza nienti
migghiari ti surdati vistuti ti pizzienti.

Lu gelu li bluccàu e, muerti ‘ntustacchiati,
‘dda’ sotta rumanera ti nevi ‘mmugghicati.

Iddu fò prigiunieru e purtàtu all’Inghilterra,
certu fò mègghiu ‘ddani ca muertu sotta terra.

Nui no lu sapimu ci iddu ‘dda’ è sbaglitu,
la cosa ca è sicura, ca l’hannu cumandatu.

Ca, ci ‘nci piensi buenu ci eti lu surdatu,
viti ca è lu servu fi tèli ti lu Statu.

Pì meriti ti uerra, ca sontu propria tanti,
pigghiàu tutti li crati ti crandi Cumandanti.

Amici o alliàti, surdàti o cratuati
l’hannu vulutu beni e Iddu l’è rispittati.

Ma toppu cinquant’anni ti vita militari
‘mmullau la tivisa, ca s’er’a ‘rripusari.

Anveci scìu tre voti sobbr’allu Parlamentu,
no si scurdau ce foi mancu pi nu mumentu.

Lu sangu nci ticìa ca surdatu rumanìa!

Toppu la morti sua, nisciunu nci pinsau,
‘ccussi’ nu Cumitatu sulu si organizzau.

Era Misciagni sua, ‘ddo’ Iddu ‘nc’era natu,
ca vuli’a rindìa onori a stu fi gghiu cratuatu.

Scera addò Marinu, artista cilibratu,
pi fa nu miznzu bustu ti bronzu satinatu.

Intantu lu Cumuni, ti fronti allu Cunventu,
na iòla nci ‘ggiustàu pi fa’ lu munumentu.

Quasi quarant’anni, ormai, hannu passati
e, forsi, li misciagnisi si n’hannu scurdati.

Nci sta a ci trova scusi: ca no s’è ribbillatu,
‘ncununu ca no sapi quddu ca è cumbinatu,
‘ncun’atru voli, ‘nveci, ca no va ‘rricurdatu,
puru ca tanti stuti l’hannu riabilitatu.

La iòla ormai è siccata, la statua parchiggiata,
la storia ti ‘stu fi gghiu Misciagni s’è scirrata.

Ci ‘nveci ti surdatu capaci e ubbitienti
s’era truvatu n’atru, no dicu tilinguenti,

ma terrurista neru, o , forsi, bricatista,
bastava cu si penti, cu scendi ‘ntra na lista:

E pi tuttu lu passatu, ca scia cancillatu,
facìunu l’indurtu ed era pirdunatu.

Ma no ti pue’ scurdari ‘ddo’nci ha’ natu,
puru ca tanti cosi la vita t’è nigatu.

Sembra ieri: to’ varrattuli ‘ccucchiati,
insiemi a do’ strazzi ‘nturtigghiati,
li sistimai cu tanta nustalgia
‘mmienzu alla casa ca non era mia,
‘ntra do’ vecchi valici ti cartoni
cu pozzu sci’ luntanu, sapi ‘ddoni.

Nu cunpari, prima ti mei, si n’era sciutu,
cu tanti spiranzi e suenni era partutu.
Toppu nu mesi ti viaggiu ‘mmienz’a mari
no sta vitìa l’ora pi ‘ccuminzà’a fatiari.
Finarmenti all’Ameraca ‘rrivau
e chianu chianu la lingua si ‘mparàu.

Feci furtuna, fatiàu com’a nu pacciu
cu ‘nn’essi la famiglia d’ogni ‘mpacciu.
Pinsandu a mei, na lettara mandau:
vulì a sapìa ci ‘dda’ vulìa a vau.

Era nu fogliu ti lacrimi bagnatu,
mi cuntava quddu ca era cumbinatu.

No ‘nci pinsai to’ voti, non era pi dispiettu,
to’ richi ‘nci scrivìi: Mandimi nu bigliettu.
Vulìa partìa amprima, vulìa mi nni scìa,
priandu lu Signori ci sà mi pruvvitìa.

E quandu venni l’ora cu partu veramenti,
li lacrimi parlàunu, iu no dicia nienti.
Quedda matina, all’arba, ‘mmassati ‘bbasciu a mari,
quidd’urtimi saluti ce mi sapiunu amari!

Pinsavi ci sa la sorti tì rifacia ‘ncuntrari,
senza ca li famigli po’ s’erunu a scigghiari.
L’urtimi cosi mama mi sta raccumandava
a quddu fi gghiu sua cu no si li scurdava.

No mi lu scerru ‘ncora, ce fo’ quddu mumentu:
sirma mi sta vasava e sunàu lu bastimentu.
Era ‘rrivata l’ora, ormai er’a ‘nchianàri,
crandi fò lu tulori, ca ‘nd’erumu a lassari.

Cu forza e n’atra vota strinti mi li ‘mbrazzava,
li uecchi nci ticiunu ca no mi li scurdava.

Cussì quedda prumèssa nci la duvetti fari
ca qua, ci sapi quandu, nu giùrnu er’a turnari.

Chiùi ti quarant’anni ormai hannu passati,
ma iu mama e sirma no mi l’agghiu scirrati.
Quddu ca nci prumisi lu tissi e l’er’a fari:
ca qua, nu giurnu o l’atru, sicuru er’a turnari.

Stavota l’apparecchiu cu vegnu agghiu pigghiatu,
ma quandu agghiu scindutu nisciunu m’è spittatu.
No vi lu pozzu tiri, comu m’agghiu sintutu;
forsi era statu megghiu ci mai nc’era partutu.

Ancora ‘ntra li recchi na voci mi sintìa:
era quedda ti mama ca mi vulì a vitìa.
La vita mi ‘rripassai, totta, ‘ntrà nu mumentu:
mi pari ca fo ieri nanzi allu bastimentu.

Sta vota nci mancava a ci mi sta ‘mbrazzava:
mama, ca culla manu la capu mi ‘llisciava,
sirma, ca culli lacrimi la facci mi bagnava.

No agghiu persu tiempu, li fi uri agghiu pigghiati,
subbutu nanzi a loru nci l’agghiu sà ‘ggiustati;
ma puru alla Matonna, ca sempri agghiu priatu
luntanu ti lu Carmunu, ‘ddò m’hannu vattisciatu.

Ormai ……magghiu ‘nvicchiatu,
qua ……m’agghiu ‘rritiratu,
parlu l’americanu mienzu ‘nfarfugghiatu;
però Misciagni mia… no mi l’agghiu scurdatu!

Prima,  era  nu portu ti genti ti fatìa,
lu puntu chiù ‘mportanti pi l’economia.
Scìunu sotta e sobbra, stàunu a tutti l’ori,
uastasi, cummircianti e tanti acricultori.

Tomba-Tomba, Zu  ‘Cchinu e li Farina,
li Maligni e Ciànu e pòi CarmùnuVitu,
vitivi allu pizzùlu ti la Strata ti Sanvitu;
sintivi strulicari, critari e cuntrattari
pi l’ua ca erunu a vendiri o ca erunu a ‘ccattari.

Totta la chiazza era nu stùtiu ti Nutaru:
marvasia e primatiu, muscatu e necramaru
truvaunu pi li priezzi li megghiu soluzioni,
secondu lu marcatu, lu tiempu o la stagioni.

Ci ti ‘ccappava a fari, traslochi ti li casi,
la chiazza stava chiena ti uemmini e uastasi;
cu nu traìnu o n’Apu o puru nu vaconi
facìunu lu sirviziu spiciali a pirfi zioni.

Ci po’ li glioni a casa erunu già spicciati,
‘dda’ ‘mmiènzu chini staunu li carri parchiggiati.
Ci a tiempu ti muluni vulìvi ‘ddifriscavi,
‘dda’ russi assìunu tutti, nisciunu nni sbagliavi.

La Latteria sociali ce latti ca vindìa,
ti la matina prestu a sotta menzatìa!
Nc’i stava na putèa esperta ti pagnotti,
pi ci ‘rrivava prestu, pi ci ‘rrivava notti.

Li “barri” staunu apierti prima cu ‘lluciscìa!
La cota ier’a fari, prima cu va’ a fatìa.
Pi nu cafei buenu, amaru o puru toci,
sott’alla Porta Crandi nci stava Passutoci.

Tiempu n’è ormai passatu e tuttu s’è cangiatu:
nuevi so’ li lampiuni, nuevi li bacchittuni,
verdi no nci nni stai e fi uri no nci n’è mài.

Nc’era l’Albergu Stella, ca era nu Cunventu.
‘Mmienz’alla chiazza, ‘nveci, nc’era nu monumentu,
ci sapi poi pirceni chiamatu “Vispasianu”,
pi quddu ca sirvìa t’acchiavi manu manu.

E mai sia chiù pressa ti tàunu li mutandi,
ti corsa ier’a fùciri ‘mmienz’alla Porta Crandi.
Cussì ti libbiravi ti tuttu quddu pisu,
ma toppu ti sintivi megghiu ti ‘mparatisu.

No tantu pi la puzza, ma armenu pi la gloria
no l’erunu a sgarrari stu piezzu ti la Storia.
Inveci, a maggioranza, cu n’attu cumunali,
tìssara ca era megghiu assì cu lu rinali.

Na bella lettra si usava cu nci scrivi
cu nci  circavi quddu ca tu vulìvi.

Comu  ni  la ‘mmuccàumu, fessi minchialiri,
ca ti notti er’a scendiri ti ‘ntra lu fucaliri.

Cussì ‘ppindivi  nu quazettu mienzu scillabbratu
ci sa’, po’, nci truvàvi ce ieri sà circatu,
scrivendu ca era tuttu ‘mmiritatu.

“Erumu stati bueni, stutiosi e ubbitienti”,
ci no quedda fi tenti no ni purtava nienti.
Ca ci po’ sà capìa ca ieri  nu ‘mbrugghioni,
ti l’ieri già a spittari: cènniri e craòni!

Li uecchi, quedda notti, no tantu li chiutìa,
vulìa a la spittàva, vulìa a la vitìa
com’era veramenti sta sorti ti Bifana:
li scarpi tutti rutti, la scopa e na suttana?

E comu li purtava li cosi ‘mpacchittati
pi tuttti li vagnuni ca l’erunu circati ?
La capu mi mangiava, nisciunu nci vinìa,
e iu, sulu sulu, allu suènnu mi nni scìa.

Na vota ‘mpapagghiatu, ce cosa no vitìa,
‘rricali e cosi tuci ‘ntra quedda casa mia:
fucili ca sparàunu, machini ca sunàunu,
strumenti musicali,  pupazzi ca ballàunu.

Comu nu rimbanbitu ‘gnincosa mi uardava
e priava li Signori cu no mi ‘ddiscitàva.
Infatti, la matina, ce piensi ca truvava?

To’ mustazzueli cu do’ ‘ncartiddàti,
to’ fi chi cu li menduli ‘ccucchiati
e poi  nuci e friseddi scilippati.

Pi dimustrari ca era la Bifàna:
na tromba ca era vista addo’ Franciosu,
na bella trottula cu la sunagliera
ca l’era vista lu giurnu ti la fera.

Passati li prim’anni, man manu ca criscìa,
no ‘nc’erunu giocattuli, ma ciò ca nci vulìa:
nu paru ti quazetti, quaterni e coloretti,
non era  chiù lu tiempu ti sciuechi o ti trumbetti.

Ormai l’era capitu, lu tiempu lu ‘nsignava,
ca cuddu ca circavi  ‘ncununu lu ‘ccattava.
Non era la Bifana!
Era la mamma tua! E la cinta ca stringìa
ci sà ti ‘ccuntintava cu quddu ca putìa.

Propria nu giurnu ca e’ra essiri ti litizia,
pi tanti vagnuni era n’attu t’ingiustizia.
Già ti tannu la vita ti signava,
e tu la sciuticavi pi cuddu ca ti tava.

Ma, ci nci piensi buenu, la Bifana  addo’ scia:
addo’ no nc’era nienti o a quddu ca tinìa?
Addo’ è ca si fi rmava, scindìa e po’ lassava:
‘ddo’ ‘nc’era lu bisuegnu o ‘ddo’ no nci nni stava?

Sti cunti e sti culacchi lassamincili tiri
a tutti li piccinni c’ancora hann’a capiri.
Ci  puru  mo’ ‘ncunùnu mi ‘ddummanda:
“Cì eti la Bifana?”, risposta no nni tau.

Vògghiu cu mi ‘rricordu
quddu ca mi sunnàu!

Figghiu a Donn’Antoniu, omu ti leggi sanu,
e a Donna Marisa, propria na gran dama,
non era ti Misciagni, vinìa ti la Tuscana.

Pigghiatu lu diploma, a Siena si ni sciu:
che gioia t’Avvucatu, vi’ ca si ‘nn’assìu!
Ti fa’ la prufi ssioni no ni vulìa a capìa,
pinsau ca era megghiu cu va’ alla Polizia.

Fatiàu comu nu pacciu, notti, matina e sera:
cu tanti sacrifi ci, n’è fatta ti carriera!
‘Ddo’ è ca è sciutu sciutu nu struelucu è lassatu,
ti fronti allu periculu mai s’è ‘rritiratu:

Sempri ti nanti a nanti, stringendu spadda e tienti,
è sciutu cumbattendu mafi usi e delinguenti.
A nui paisani ti orgogliu  nn’è  ‘bbinchiatu
e vi’ ca la Pro-Locu lu premiù nc’è assignatu.

Ce folla quedda sera! La chiazza spittirrava,
si lu sta’ fi stiggiava, ca si lu ‘mmiritàva.
Lu Sinducu capìu ca ‘dda’ no nci spicciava
pi cuddu ca era fattu e l’esempiu ca lassava.

Perciò pi lu curaggiu e pi riconoscenza
proposi allu Cunsigliu n’atra onorìfi cenza:
“Cittatinu onorariu”! Tutti l’hannu vulutu
a nomi ti MISCIAGNI, ‘ddo’ Iddu nc’è crisciutu.

E comu lu villanu si cùsciata quedd’ùa,
sta terra no si scerra li megghiu fi li sua.
Ce grandi cirimonia!  Ce grandi cummuzioni!
Nu ‘nnuetucu mi veni, pinsandu ‘ncora moni.

Nicola, cu piaceri, a tutti è ringraziatu,
s’è fattu puru forti, ma ra emozionatu.
‘Ddà fori allu Castieddu la banda sta sunava,
e Iddu, comu sia, ca propria no nc’intrava.

Iu, ca  stava ti fronti lu sacciu a ci pinsava:
a cuddu ca t’in ci lu, cu prièsciu lu uardava!

No si sta capisci nienti,
tanti listi e pretendenti.
Puru lu scumunicatu
s’è di fattu cunfi ssatu

e, ‘ntra giri e riuniuni,
vai a messi e prucissiuni.
Tutti volunu vutati,
tutti so’ senza piccati!

E li viti circantini
comu tanti pillicrini.
Quantu sordi hann’a sganciari
cu si fannu, po’, vutari.

Sordi liquiti e  contanti
tra binzina, ristoranti,
facchessimili stampati
cu paroli  ‘nfarfugghiati.

Ti  prugrammi ‘mpapucchiati
nni sta’ ènchiunu li strati;
li  litratti  ‘ngigantiti
ca no sai  ci so pintiti.

Tutti beddi ‘mpitturrati,
o so’ mestri o so’ avvucati:
la “Gioconda” hannu studiatu,
‘ddo’ ti minti si’ uardatu.

“ Vota a mei, no tˇı sbagliari,
ca iu sacciu cuvirnari ”
E iu, ca zzappu cu piaceri,
vesciu buenu nu trainieri:

Ca ci sapi “cuvirnari”,
quandu pensa allu mangiari
no nci ‘bbàta a iddu sulu,
av’a  sta’ cu ‘natru mulu.

Vannu an giru  ‘ntrà Misciagni
cu cumandunu cinq’anni !
Ci ti vètunu luntanu
ti sta àzunu la manu,

mancu comu to’ cumpari,
pi lu votu ca nci ha’ dari.
‘Ntra Progetti e stringimani
ni sta’ ‘ccòntrunu cristiani!

Nc’è  ci voli la fatia,
noni comu sia sia:
assa’ sordi e assicuratu
ci no va’ allu Sindacatu.

A ci cerca chiù assistenza,
vistu ca è ‘rrumastu senza.
Nc’è na  strata di sfaltari
o na luci ti cangiari ?

“ No v’at’a  preoccupari,
iu ‘gni’ncosa v’agghia a fari !
Vui soltantu at’a vutari
cu mi pozzu sistimari.

Ca, ci ‘nchianu veramenti,
prima m’agghi’à fà li tienti,
ca cu pozzu cuvirnari,
ogni cosa agghi’a ‘ssaggiari.”

Qustu, è chiaru e sistimatu,
è nu buenu candidatu;
quddu, anveci, ca è scatutu
zittu zittu si n’è sciutu.

Pigghia, ‘ntra sta cunfusioni,
cu  va essi nu bitoni ?
No putimu chiù schirzari,
unu buenu am’a vutari.
Iu, cunvintu  veramenti,
votu a quddu ti li tienti:
Sarà puru  capu tuestu,
ma armenu parla onestu.

L’è già dittu ce  av’a fari,
prima cosa: Av’a mangiari!

Avìa na sittimana, simbrava ca murìa,
tinìa tuluri fuerti, ti cuerpu no nci scìa.
Na sera, pi capricciu, ti favi mi ‘bbinchiai,
forsi fò nu miraculu ci tannu nò šcuppài.

Lu stomucu ruscìa, la panza ribullìa,
puru ca mi sfurzava, aria no ni facìa.
Mi feci ‘ccumpagnàri ddò lu tottori mia,
ci sa mi libbirava ti quddu ca tinìa.

Na šcatula ti nizioni, supposti pi via Anali,
quddu ca nci vulìa pi fa’ passa’ stu mali.
Ti corsa sa chiamai mara mugghieri mia,
girammu lu paisi pi sci’ a truvà sta via.

Misciagni sotta-sobbra nu l’amu ‘rrivutàtu,
t’urgenza allu tottori edda m’è ripurtatu.
“ Ti quandu agghiu vinutu e ca m’ha’ visitatu,
no mi sta ‘ccogghiu chiui, mi sentu scunucchiatu.

Sta sorta ti Via Anali, no l’amu mai truvata;
ci qua iu no mi lìbburu, mi scappa la ‘nfurrata.”
Suturi mi scindiunu, šcandìi ca mi ‘nchianàunu,
la panza mi turcìa, li uecchi mi sdrammàunu.

Alla Matonna mia m’agghiu raccumandatu,
ci sa mi libbirava ti tuttu l’arritratu.
Allora lu tottori, mai sia ‘dda’ la facìa,
mi tissi :” Vani a casa, ca prestu mo’ ti ‘rria!

Si’ propria capu tuestu, si’ pesciu ti nu mulu,
sta’ pigghi pi na strata quddu ca tieni ‘nculu.”
Li tissi: “Crazi, crazi assai, tottori mia,
ca era propria custu quddu ca no capìa !

Ma, timmi mo’,  nci  fora  meriti spiciali
ca ‘nteressara la Giunta Cumunali
pi dicidiri cu ‘ntestunu na Via
a stu gioia ti anu ca po’ è lu culu mia ? “

Passava lu craunaru, squartatu e gnuricatu,
sinbrava ca era neru o mai s’era ‘llavatu;
piecatu ‘ntr  li stanghi, spingìa la trainella
pi vendiri craoni, cinisa o craunella.

Po’ l’umbrillaru all’angulu  ‘ssittatu si mintìa,
l’umbrelli rinfurzava, ‘ndrizzava e li ‘ppindìa.
Lu ‘mpagghiaseggi, poi, quantu n’è sistimti
seggi ca erunu vecchi o s’erunu spundati !

Lu consalimmi, ‘nveci, cullu fi errufi latu
cusìa ‘nu piattu ruttu o nu còfunu scasciatu.
La iaratizza an gìru ‘ncununu er’a purtari,
ca ˇıntra rinàli e cantri po’ s’erunu a ‘bbuccari.

Ci ordini alli cristiani erunu a essiri tati,
lu bandu si facìa all’ ngulu ti li strati.
Passava lu craparu, ce latti ca mungìa !
Era chiù ‘ssa’ la šcuma ti ciò ca rumania.

Vinìa lu furnaru, ci l’ieri sa ‘vvisatu,
lu pani ndi purtava, fattu cu lu luvatu.
Nc’era lu ‘nfi laforbici e  lu uarnamintaru:
la cinta ti stringìa ‘ntra quddu mundu amaru.

Quazetti ‘rripizzati, vistiti  ‘rrivutati,
li scarpi e li scarpuni cusuti o ‘rrisulati.
Patelli e bucalini, furzori o cuppini
viniunu sistimati sempri ti li stagnini.

Mistieri puvirieddi, ca quddu ca nci stava
ci no si cunsumava ci è ca lu jaticava ?
Ormai simu moterni e tutti amù cangiati,
li cosi no si ‘ggiustunu e vannu jaticati.

Ci li va’ ‘ccatti nuevi, no so’ cosi ‘rranciati
e spindi puru menu: ti la Cina so’ ‘mpurtati!

Ce prufumi assìunu quandu si cucinava
si nn’anchia la casa e puru a ci passava.
Comu ‘rdurava lu sucu sobbra alli crauni,
era na festa pi grandi e pi vagnuni.

Pani  ‘rrussatu e uergiu ‘bbrustulitu,
li sintìvi ti lu Carmunu allu Ritu.
Pummitori, pipaluri, e marangiani
l’ieri  a gira’ e vutari culli  mani

sobbr’alli chianchi cauti e scarfati,
sott’alla cènniri, belli e  ‘mmugghicati.
Erunu piaciri, no certu  na  ‘nfurrata,
li cìciri o pasuli cuetti alla pignata.

Ci, maisìa,  lu fuecu  no  nci  vulìa  ‘ppicciava,
lassavi  ‘ddò  tinivi ci  no  ti ‘ nfumicava:
to salimienti assutti,  na carta,  na jatata
e sùbbutu la vampa s’azava  ‘mpirnacchiata.

La sera, fi narmenti, ‘mmullata la fatia:
ce gioia si sintìa ‘ntra quedda casa mia.
Li piatti sistimati, la taula ‘ggiustata,
lu pani fattu a casa e, di costi, la ‘ncartata.

La sparacina ‘ntàula no ncì putìa mancari,
sirvia pi ‘ddiciriri  e pi megghiu strulicari.
Poi, ‘nziemi,  turnu turnu nanzi allu fucalìri,
mumentu assai chiù  bellu, no si putìa aviri.

Ti tuttu si parlava: nu suennu, na spiranza,
pinzandu già allu crai, com’ieri anchì la panza;
priavi lu Signori, ci sa’ti pruvvitia,
bastava la saluti e po’… ce sia sia!

Ma, prima cu  ‘ddurmescu, lu cuntu mi ‘spittava,
povara mamma mia, a edda li tuccava
e, stanca, ‘llicrinuta comu si sta’ sintìa,
‘ncignava lu latuernu comu na litania:

“ Nc’era  na vota…Pinocchiu…..la Bifana…..”
l’ori ti notti, intantu, sunava la campana.
Ti pressa sirma ‘mbrazzi, cu garbu, mi pigghiava
e mama già lu liettu, pronta, mi scià scarfava.

Erunu tiempi stritti, ma sani e puru  belli,
no nc’era la tivvù e mancu li Caroselli..
Lu picca ti bastava.  Mancàunu li liri;
ma ti sintivi riccu,  nanzi allu fucalìri!

Lu cori ti la vita cittadina,
‘ncignava a battiri già ti la matina.

Sott’alla villa, ogni angulu na funzioni,
tuttu fi lava lisciu, no nc’era cunfusioni.

Pigghiamu ti lu quartu ca porta alla Stazioni:
tannu no nc’erunu mezzi ca nci stannu moni;

stutienti e ‘mpiecati, ti pressa la matina,
fucìunu pi lu trenu o pi la littorina.

Ti l’atra vanda, ‘nveci, la strata ti Latianu:
mammi e piccinni ‘nsiemi, ‘cchiappati manu a manu,

‘rrivaunu ti luntanu pi scìri alla “Carducci”,
cu si ‘mparàunu a lèggiri e no ristari ciucci.

Sott’allu purtoni spittava Chicchinela,
ca ti ‘nzurdìa li recchi cu quedda campanella.

Ma, ‘mmienzu allu viali e sinu alla funtana,
sia ca nci stava soli o nc’era tramuntana,

sempri alli stessi posti, ti ‘ddà no si muvìunu,
li vicchiarieddi nuestri parlàunu e si cutìunu.

E’ giustu e l’am’a dìri ca buèni ‘dda’amu stati
e tacchi e spizzaturi ce nd’amu cunsumati !

Ci sà catìa na gnanda, la uerra ca scuppiava,
pi ci ‘rrivava prima e cu la scrafazzava.

Ci poi, intr’àlla iola ‘zzumpava lu palloni,
fucìa Pagghialonga ti cretu allu vagnoni.

No nc’era ti bisuegnu cu vai allu tiatrinu
quandu ‘ddo Pirazzu sciucàumu a bigliardinu.

Ce cosa ti pirdivi ci ‘dda’ no nc’ieri sciutu
pì sèntiri “lu Calciu minutu pi minutu”:

Carosiu e Martellini sintivi ‘rraucati,
mentri ti sta facivi li megghiu ‘lliticati.

All’angulu, allu iòscu, ti tuttu si parlava:
certu no stava buenu ci Rolli no critava.

Ci t’er’a di’ na cosa, Matonna mia ce peni !,
ti ‘nturtigghiava ‘ncapu na crona ti jastemi.

Toppu la Santa Messa, ti festi cumandati,
era lu postu giustu pi ziti e ‘nnammurati;

e quandu la sciurnata brusciava pi lu soli
lu megghiu rifriggeriu truvavi ‘ntra li iòli.

La ‘rdori ca sintivi girandu pi li viali,
l’acieddi ca cantaunu ansiemi alli cicali

nci taunu nu sapori, nu sensu alla friscura
ca ti sintivi megghiu ti na villiggiatura.

Quanti culacchi e fatti si pòtunu cuntari
ti nu postu e nù tiempu ca no nci pò turnàri!

Tipi speciali ca sembrunu stampati
‘ntra lì viali cunsumati ti migghiari ti pitati.

Puccianna, Fifìu, Scunòcchia e Farcunettu,
ce pièrni!
n’hannu fatti e strafatti, ‘dda’ sotta ti Cuverni!

Malannata, Spocu e Frichilloni,
sia ca mo’ li vesciu parlari ti palloni.

Zu Cocu, Basimeni, Bonatesta, l’Ungulicchiu e
l’Erculinu: pari ieri quandu ‘ddivintara Ragiunieri.

Lu Barlittanu, Chianconi, lu Marcanti:
cu li muntuvi tutti, viti ca sontu tanti.

Ti tutti quiddi ca ‘dda’ nci hannu crisciuti,
tanti hannu rumasti, atri si n’hannu sciuti.

Tutti ‘sti cosi passunu alla storia
e sontu ti Misciagni la mimoria.

So’ cosi belli, ca no scriunu li giùrnali,
ma stannu ‘ntra lu cori ti la Villa Cumunali.

Impegni e tradiziuni ti sieculi passati,
li misciagnisi no si l’hannu scurdati.
Ti uài e di discrazi, ti tanni e distruzioni
‘nni l’hamu scuppulata pi quedda prutizioni.

Si ‘ncegna misi prima a fari e strulicari,
pinsandu a cosi bueni e a cunti ti quatrari.
Nc’eti nu Cumitatu, ca gira li riuni
pi ‘ccogghiri l’offerti ti crandi e di vagnuni.

Entusiasmu e fatia fatta cu passioni
pi la Matonna nostra purtata ‘mprucissioni.
Crandi fi stiggiamienti cu fuechi, bandi e luci;
nci sta’ na cunfusioni ca vue’ cu ti nni fuci.

Arrìunu furastieri, arrìunu l’emicranti
cu li mugghieri biondi ‘mpizzati nanti a nanti:
lu veru misciagnesi an forza av’a turnari,
veni pi la Madonna ca l’av’a ssà priari.

La festa già ‘ccumenza facendu la nuvena,
la chiesa ti lu Carmunu la viti sempri chiena.
E puru lu paisi è prontu e priparatu:
li casi e li facciàti già tuttu ‘nquacinàtu.

Si ‘ppèndunu lampiuni an gloria ti Maria,
si tìcunu rusari ‘ntra casa o pi la via,
sònunu li campani, essi la prucissioni:
migghiari ti cristiani cu tanta divuzioni.

E quandu poi si ferma ‘mmienzu alla Porta Crandi,
ti pàrunu furmiculi assi’ ti tutti vandi.
E’ nu mumentu bellu, emozionanti assai,
lu Sinducu a Maria cunsegna quiddi chiai:

E’ segnu ca turnamu a Edda cunsacrati,
puru, ca li jastemi no l’amu sparagnati.
Tornunu tutti l’anni e giostri e bancarelli:
nci truevi la scapeci, pagnotti, caramelli,
lu zuccuru fi latu, gilati e po’ spumuni,
tanti scintrusamienti, giucattuli e palluni.

Carùsi e giuvinotti, capiddi sistimati,
si ‘mmùtunu cu ‘rrobbi, appena cunsignati.
Li femmini a passeggiu cu scarpi nuevi e stritti;
maisia si scosi l’àbbutu, li viti tritti-tritti.

Li masculi, ca mangiunu cu puzu e cu sustanza,
portunu la curea ‘chiappata a sottapanza.

Ma quandu a cunclusioni, si ni sta vai la festa,
prutenti Ton Danièli: “Sapiti ce nni resta ci no
cangiamu nui? Restunu to’ taieddi
e po’ li strati chini ti scorzi ti nuceddi !”

Lu viti sempri a qudd’angulu ti strata,
sia ca sta spetta ‘ncunùnu o forsi na chiamata.
Ma ìddu già lu sapi: sta all’urtama fi rmata.

L’hannu lassatu sulu, nisciunu l’è vulutu,
l’hannu già misu vivu intra allu chiautu.

Tanti sutùri e stienti, na vita ti fatìa,
e mo’ ‘ccussi’ ridottu, minatu ‘ntra na via.

No senti ci lu cerca, na voci ca lu chiama,
no nc’è na facci amica e mancu una striàna.

No nc’eti ci lu pigghia pi fa’ na caminata,
no nc’èti ci lu strengi cu manu accalurata.

Nci manca nu surrisu, nci manca na carezza,
no teni chiù na lacrima e mancu chiù na pezza.

Propria l’atra matina, ti ‘dda’ iu sta’ passava,
mi sta’ paria serenu, ma mienzu ‘ddurmisciutu:
inveci, zittu zittu: si nn’era propria sciutu.

L’era vulutu ‘mbrazzu, nci ticu to’ paroli,
vulìa nci cercu scusa, vulìa facìa nu pattu,
pi cuddu c’amu tittu e poi no l’amu fattu.

Ce nd’era poi custatu cu l’erumu iutatu?
Ca ce vulia l’assegni o forsi mantinutu?
Nu fi atu li ‘bbastava o puru nu salutu.

Lu cori strittu ‘ncanna forti mi sta’ ‘nchianava
e chiù ti ‘ncuna lacrima già mi sta’ sciulava.

No vi lu sacciu a diri ci poi m’è pirdunatu:
sacciu ca nanzi a iddu m’agghiu ‘nginucchiatu.

Stare sol non l’eccitava
e a sposarsi lui anelava.

L’hà voluto veramente
non è stato un “incidente”,

alle nozze lui guardava
e null’altro gl’importava.

Proprio come un carro-armato,
è partito e s’è sposato.

Or che l’hà sperimentato,
ben venuto in comitato,

di un bel gruppo di cocciuti
che, incuranti degli aiuti,
sono stati poi fottuti.

Tutti dicon, tutti sanno
finchè prima non lo fanno.

Solo, poi che il dado è tratto,
resti stronzo per contratto.

Indossata la divisa,
non c’è più chi ti ravvisa

chè quel passo c’hai compiuto
ti ha già reso un bel cornuto.

Pensar prima, tu dovevi
quando, pollo, non credevi.

Or che giunto sei di qua
pensa ai piatti da lava’.

Proprio tu, ch’eri l’alfi ere
spensierato sino a ieri,

il destin hai pur sfi dato
rimanendone……fregato!

Ci hai la furtuna cu spacca lu cintesumu,
cu saccia ti cusiri e mindruddari,
megghiu ricalu no putivi aviri..

Ma la cosa ca ti nn’enchi ti piaciri:
cu sinti attani e crisci puru fi li.

Tuttu cangia,
no nc’è tiempu pi chiacchiri e paroli,
bisogna pinsari a cuddu ca nci voli.

Cu crescunu sani ti menti e di saluti,
cu sannu buenu lu sensu ti la vita,
fatiandu onesti e cu la capu azata.

Custu cercu la sera allu Signori,
quandu, spicciata na sciurnata ti fatìa,
li mentu ‘ntra lu liettu ‘ddurmisciuti.

Mi pari ca lu mari s’è fi rmatu,
e ca è passata appena la timpesta.

No nc’è stanchezza,
ma gioia e armonia:
sembra na festa, tanta è l’allegria.

Lu tiempu cu li ‘ppoggiu e cu li lassu,
ca subbutu si votunu e ‘rrivotunu.
‘Zzunpunu tisi, ‘rripigghia la muina.

E ce vuei?

To angiuliddi beddi comu a loru,
no ponnu tini’ tiempu pi durmiri.

Benedetto sindacato!
In che impiccio s’è cacciato,
pur coi Santi se la piglia,
ma si aspetti la pariglia.

San Giuseppe non è dato
come Santo declassato,
anche Lui s’è organizzato
e un casino ha combinato.

La vertenza è bell’e pronta,
onde cancellare l’onta.
Ha formato un Comitato
ed un testo ha poi stilato:

“Siamo Santi, non santoni,
non rendeteci fregnoni,
fate i vivi e siate seri,
respingiamo gli improperi.

Non createci imbarazzi,
state diventando pazzi?
Non avete più rispetto
per le feste di precetto!

Da artigiano ho lavorato,
un bel prezzo ho già pagato,
così, come fu annunciato
dallo Spirito mandato.

Il Vangelo, tutti sanno,
m’hà già fatto un grande danno.
Ho ubbidito in grande stile
come pesce in un barile.
Senza poi, conoscer niente,
quasi fossi un impotente,
padre, sì, io diventai,
senza lamentarmi mai.

Padre buono e senza assegni,
mantenèi tutti gli impegni.
Non fui, certo, un effettivo,
ma sol padre putativo.

Voi, che giù state a guardare,
non potete ciò imitare,
il mistero sotto il manto
svela solo chi è già Santo.”

Da quel dì i Sindacati
non si sono più immischiati
in “Accordi col Governo”
che può solo il Padreterno.

Donna,
grazie al tuo cuore
se mi sono innamorato,
grazie al tuo orgoglio
se ho anche sofferto,
grazie alla tua passione
che mi ha travolto
e che mi ha fatto dire:
Ti amo!

Si l’è fumata bona lu signuru:
ti cuddu ca è vulutu, nienti l’è mancatu,
cu ‘dd’aria di fi tenti ‘nnammuratu.

Catena, bracciali e anieddi, tuttu t’oru,
cussì ‘mbardatu, mancu San Ghiatoru.

C’è pelli! Tirata e ‘Bbrunzata già ti la prim’òra,
nisciuna ‘nì scappava: bionda, rossa o mora,
fi n’anchi n’arbanesi, tinìu nu buenu mesi.

Ormai acqua passata, teni sulu ti cuntari,
ca, puru ca vuè criti, ce cosa pò pruvari?

Ci no l’atu capìtu, o propria nò crititi,
stà parlu ti Agustinu, il grande re dei lidi.

Biancu e ‘mpusimatu già ti la matina
n cuerpu no lu perdi ‘ntrà totta la marina.

Strintu lu scettru a manu, forti, pi lu cumandu
no ‘mmolla propria nienti, ci sapi sin’a quandu!

Teni Sant’Anna ‘mpugnu, avi ormai na vita,
canosci ci nci nasci e ci si v’a ‘mmarita;
e ginitori e fi li, e nonni e proniputi,
generazioni ‘nteri a qua nci hannu crisciuti.

Tuttu pricisu, tuttu a pirfi zioni,
rispettu versu tutti e tanta tucazioni;
‘gnin cosa a postu sua, no manca propria nienti,
e sia ca so’ striani, ca vecchi sua clienti.

Ci lu piccinnu a mari lu peti s’è scurciatu,
prima ti lu SOCCORSU lu peti è già sanatu.

Miraculu? Ca mancu l’ier’a diri:
la manu ti Agustinu, lu sai, no pò falliri.

Ci tira ientu forti, lu mari è assai acitatu,
sicuru, mai nisciunu a Sant’Anna s’è ‘nfucatu:
ca prima cu ti ‘ccucchi tiratu, ‘mmienz’ a mari,
sta subbutu Agustinu: “Lu bagnu no t’ha’ fari!”
Ci vula lu ’mbrilloni, na seggia è scunucchiata?

“No èti corpa mia ci ‘ccappi sta ‘nfurrata;
li cosi ca vi tau, nò sontu ti strapazzu:
tegnu li ricivùti ti Mobbili Colazzu!”

Ti la matina prestu, sin’alla sera tarda
no pigghia mai ‘rrifi na ci a tuttu no nci uarda.

E mai cu si sta zittu, sempri av’a strulicari,
lu viti ca sparesci quandu av’a sà mangiari.

Passata la furora, ripigghia lu cumandu.

E’ biancu ti bucatu, stiratu e ‘mpusimatu,
spacca la spiaggia a drittu cu l’aria sua spiciali,
li mancunu soltantu li grati t’uffi ciali.

Passu solenni, tuestu e, pi la circustanza
confi a lu piettu fori e intra nci va la panza.

La seggia ti regista l’aspetta allu cannetu,
nu uecchi lu ‘ccumpagna ti nanti e puru cretu.

No nc’et’ amori natu, sbocciatu, cunsumatu,
ca Agustinu, prima, nò l’era già sgamatu.

Sempri prudenti è statu, ti corni mai parlatu,
s’è sempri difi ndutu megghiu ti n’avvucatu.

Cuddu ca mai nisciunu, certu, si po scurdari,
ci pigghia lu microfunu e ‘ncegna a strulicari:
avvisi cu minacci, cazziati e poi cumandi;
ci no ti va’ trattieni ti bagni li mutandi.

Tu tici: Comu faci cu lassi sta marina
‘Ddo’ tuttu è rumastu cussi’ com’era prima?

Cavittuni, muluni, taieddi e tavulati,
sembra ca l’anni qua s’hannu fi rmati.

Litri ti birra, tressetti e, mo’, puru burracu,
ma vannu tutti a’ sensi, nisciunu mai ‘mbriacu.

Ogni annu nc’è lu pienu, no temi cuncurrenza,
ci no sta’ pruvvitutu rischi cu riesti senza.

Quarche mutivu an nforza nci av’a stari
ci a Sant’Anna la cota tocca a fari.

La sannu tutti la ragioni vera,
nisciunu pò fa’ fi nta ca no nc’era.

Crandi e piccinni, giuvini e carosi,
e vetuvi e‘nzurati e ziti e frischi sposi,
critati forti, faciti assi’ la bava:
“Senza Agustinu, Sant’ANNA NO NCI STAVA!”

a chi mi ha generato
ed al latte che ho succhiato.

Grazie

a chi mi ha aspettato,
mi ha cresciuto e coccolato.

Grazie

a chi mi ha insegnato
come essere educato.

Grazie

a Dio ed al Sindacato
che la vita mi han segnato.

Grazie

a quanti mi hanno amato
ed a quanti mi hanno odiato.

Grazie

a chi mi ha ben voluto
ed a chi mi ha combattuto.

Grazie

a chi mi ha stimato
ed a chi mi ha dileggiato.

Grazie

a quanti avrò aiutato,
pur se poi, l’hanno scordato.

Grazie

a quanti io ho difeso
senza essermi di peso.

Grazie

a chi mi ha rispettato
e anche a chi mi ha disprezzato.

Grazie

a chi mi ha osteggiato
senza esser ricambiato.

Grazie

a chi, per gelosie,
mi ha coperto di bugie.

Grazie

a chi mi ha contestato
senza avermi mai incontrato.

Grazie

a chi mi ha invidiato
perché era complessato.

Grazie

a quanti ho perdonato,
pur avendomi fregato.

Grazie,
a chi mi ha sopportato
da “marito indaffarato”,
divenendo genitore
di due fi gli “piezz’e core”.

Se da padre avrò gridato
non per questo avrò sbagliato:
ho cercato di dar loro,
l’onestà, che è più dell’oro.

Posso dir: “Ne ho fatte tante!”
non sentendomi importante.

E anche or, da pensionato,
sono sempre più impegnato.

Con orgoglio mi direi
“Ciò che ho fatto rifarei”.

Posso dir che son contento,
del passato non mi pento,
tutto ho fatto in libertà,
ma con tanta dignità.

Grazie,
a chi mi ha aiutato
e così son diventato.
Ma se oggi siete qui
è perché io son così!

GRAZIE!

Un mio amico, bel moretto,
stà provando il DO di petto,
per quel SI, e, fi nalmente
avrà pan per il suo dente.

Questo giorno assai sognato
non sarà dimenticato:
se va bene ….certamente,
se va male ….ugualmente.

Gran poeti e stornellanti
han cantato a tutti quanti,
sia sposati o grandi amanti,
la dolcezza di quel dì,
fi nchè non s’arriva lì.

E da lì, dopo provato,
sei pur bello e già fregato.

Se t’illudi che hai goduto,
resti bello … ma fottuto!

Non devi esser mai geloso
se un bel giorno misterioso
scoprirai insistentemente
un prurito sconvolgente
sulla fronte, ormai pendente.

E’ un pensier che rode e torna
che i mortal chiamano … corna.

Non pensare di tagliarle,
c’è chi è sempre lì a rifarle!

Questo è il bello della vita:
la ragazza si marita,
giura amore e fedeltà,
sino a quando … non si sa!

Non t’illuder bel maschietto,
tipo “casual” o in doppiopetto,
che sia tu a comandare
nel “menage” familiare.

Tocca a te! E ora farai
ciò che non hai fatto mai!
Se tu gridi o ti lamenti,
lei ben usa i suoi strumenti,
e, con gran priorità,
ti propone parità:

“Chi non vuole se ne và!”

Altro che AMORE ETERNO!,

cominciato è già l’inferno,
e, sognando libertà,
non avrai più da campà.

Io, che son tuo vero amico,
un consiglio te l’affi do:

“Con dolcezza e devozione
tira fuor la vocazione,
sù, diventa fraticello
e resta in pace con l’uccello!

Ciao, piccolo pugno di moine!

Ciao, batuffolo di piroette!

Tu, così piccola e dolce e indifesa
avevi dato a Chiara e Checco
un pizzico di fantasia,
avevi completato il loro mondo
di sogni e di fi abe.

Tu, così desiderata, non ci sei più.

Te ne sei andata
lasciandoci un nodo alla gola
e qualche lacrimuccia.

Sì, proprio tu, che ti eri conquistato
il numero cinque della casa.

Eri dei nostri.
Grazie, per la spensieratezza e la gioia
che ci hai dato.

Grazie, anche se ti sei ripresa
il pezzo di favola di Chiara e Checco.

Hai lasciato un vuoto nei loro sogni.

In quello spazio, oggi, c’è un pizzico
di amarezza e di umanità in più.

Ci hai dato una lezione di vita.

In fondo, volersi bene e farsi voler bene
non costa poi molto!

All’usu tua
ca no ‘ppuggiavi peti
e no scarfavi liettu.

No m’ha’ spittatu
e m’ha’  fattu nà surpresa:
ce  ier’a  fari
ti cussì  ‘mportanti?

Senza cu scuemiti nisciunu,
zittu, zittu e all’ascundutu
nd’ha’ ‘mmullati ‘n quartu
senza mancu  nu salutu.

Ha’ chinu ti piaceri
na vita sinu a ieri
e,  ‘mmienzu  ‘ddo’ passavi,
nu struelucu lassavi.

Tuttu pigghiavi  a sciocula,
‘gni-n-cosa ti sciulava,
pi tutti na battuta, nu gestu o na parola;
no nc’era  ti bisuegnu cu ieri sciutu a scola
a ci vulìa, capia!

E n’ha’  fatta  ti fatìa!

Ti giurnu, sera e notti.

Sempri dispostu a tutti,
mai ca ticivi:”Noni!”,
e quandu no  ‘rrivavi
o  no  nci la facivi
tu stessu li ticivi:

“ L’artieri so’ ‘mbrugghiuni!”

Puru cu lu destinu
ti l’ha’ pigghiata a risa:
Comu iddu ti tintava,
vulia a ti ‘mbrazzava e mentri ti nni purtava,
“ Nò era quedda l’ora”,  lu fessa ti spittava.

E a ci ti ‘ddummandava
comu ti sta’ sintivi, ritendu rispundivi:
“Dda  sobbra, a unu a unu, no mi vulìa nisciunu!”

Ma osci ndi l’ha’ fatta:
e’ vinuta propria edda,
quedda ca no sparagna
ci riti o ci si lagna,
né ricchi e né pizzienti,
né debuli o putienti.

Purtava  na  ‘mbasciata,
anzi, propria na chiamata:
Era na cosa urgenti,
no si putìa fa’ nienti.

Ma, ci era stu Signori
ca ti pressa ti vulia e Iddu no scindia?

Qualcosa ier’ a fari
ci a nui ier’a lassari?

Era l’attani nuestru, ti tutti li cristiani,
lu mundu era criatu cu fi atu e cu li mani:
lu Diu Onnipotenti, lu Diu Nostru Signori,
addo’ ntra n’atra luce nisciunu chiù nci mori.

Vulìa ti veti amprima,
cu Iddu t’ier’a stari.

Tantu cu si l’aspetta:
‘ncununa nci l’ha’ fari!

Vorrei sconvolgere il tuo sonno,
farti  provare ciò che provo
e attendere felice il tuo risveglio.

Vorrei soffi are i miei pensieri  dentro i tuoi,
urlarti ciò che sento,
dirti ciò che non so dirti.

Vorrei che tu sognassi i miei stessi sogni,
che respirassi i miei respiri,
che mi parlassi con le mie parole,
che guardassi il mondo con i miei stessi occhi,
che i tuoi palpiti muovessero il mio cuore.

Consumarsi, affannarsi,
distruggersi, spegnersi, ……
Quanto è  bello volare,
elevarsi come il gabbiano
e sfi dare le leggi della gravità !

Volare, volare,
volare sempre più su e sentirsi leggeri,
liberati dalle umane miserie,
dalle scorie della vita,
abbandonati all’ebbrezza dell’alto,
mentre il vento accarezza i nostri sguardi.

TU NON LO SAI.

Quante volte parto, torno,
ti bacio mentre dormi.

TU NON LO SAI.

Quante volte mi sorridi

e mi chiami mentre sogni.

TU NON LO SAI.

Quante volte io, lontano,
vorrei tornare, stringerti, giocare
e farti male; ma non posso.

TU NON LO SAI.

Quante volte, aspettando il mio ritorno,
piangendo, t’appisoli sfi nito.

TU NONLO SAI.

Quante volte !  Quante volte ! Quante volte……

Così passano i giorni, si compiono gli anni,
la vita, inarrestabile, continua la sua corsa.

Ma quando anche tu sarai riverso su una culla,
solo allora, capirai
le cose che non sai!

Certu, lu mundu  e sti tiempi  no sontu cosa  bona,
ma quddu ca  nci voli  no ti manca.

Ca poi, no so’ li lussi,
li chiacchiri o li scintrusamienti
ca ti fannu anchi’ la panza e mentiri giudiziu.

L’amori grandi ca  ‘ntra nui  nci stai
ti servi cu ti priesci e cu  nci crisci.

Questa è la scola ca ti lassu pi la vita!

Fanni  ce  vuei,
ma no ti scurdari,
ca nu giurnu o l’atru
puru tu t’ha’ maritari.

############################

Ti l’ha’ pigghiata còmata cu ieni,
no sacciu c’ieri tuni
o  ‘ncununu  no vulia
st’anama ti Diu a casa mia.

############################

Mi sentu  ‘ncuerpu  ‘ncuerpu  nu piaceri,
no  nc’è  chiù lu vermi ca mi rusicava  ‘ncapu,
batti lu cori, si  ‘bbagnunu li  uecchi.

Bah! No  sacciu ce  dicu,
mi pari ca sciarpesciu.

Ti vesciu, ti  ‘ttantu, ti sciocu.

No  mi pari veru:
Mi sembra  c’àgghiu  natu  n’atra  fi ata!

Bedda, tonda, rossa culurita,
simbravi la Matonna cuncipita.

Tanti fi uri e tanti rosi t’hannu  ‘nnutti;
ma, ‘mmienzu  a quiddi,  ‘rduravi chiù  ti tutti.

Pani ti cranu ca tu ha’ simminatu,
mitutu, vattutu e toppu vintulatu.

Po’ lu ‘nsaccavi e, na vota macinatu,
cruessu e farina vinìa cunsirvatu.

Quedda farina po’ la sutazzavi,
e ‘ntra la mattra pronta la šcanàvi
‘mmišcata cu acqua, sali e lu luvàtu,
oliu ti còmutu e assìa già trimpatu.

Alli panetti la forma po’ ‘ncì tavi,
fatta la croci, nu segnu ncì lassavi;
ringraziavi, cussi’, la Pruvvitenza,
pi lu pani ca t’anchìa na critenza.

Sobbr’allu taulieri vinìa sistimatu,
cu na cuperta toppia scìa ‘mmugghicatu,
spittavi cu facìa e, appena ca cunfi ava,
all’ora giusta allu furnu si ‘nfurnava.

Na vota cuettu, a casa si purtava:
era na festa, ci chiù lu spituzzava.

Cu n’atru stuezzu lu pizzu si facìa,
sobbr’alla chianca càuta lientu si cucìa.
Nu picca ti pasta, toppu, si lassava:
era lu criscitùru, pi ci ti lu circava;
facìa lu giru ‘ntr’à lu vicinatu,
appena ti sirvìa, era friscu cunsirvatu.

Cu lu prucressu nisciunu chiù trimpava,
‘ntrà tutti li putèi lu pani si ‘ccattava;
panini e sfi latini, jat’a ci li mangiava,
ci è ca no putìa, ce ‘nvìdia ca pruvava!
Li poviri villani e a ci tinìa lu cranu,
cuntinuàunu cu lu pani fattu a manu.

Parìa na cundanna, era ‘na pinitenza
lu pani ca ‘ntustava intr’alla critenza.

Iu mi ni virgugnava, assi’ cu quiddi feddi,
beddi ‘ntustacchiati ca mancu l’aculeddi.

Pi furtuna li tiempi  hannu cangiatu
lu pani fattu a casa ti tutti è ricircatu.

Assai so’ li pintiti ca l’èrunu lassatu,
lu furnu ti “la Paccia”, ti mota è riturnatu.

Lu disgraziatu ca sempri l’è mangiatu
va spiccia ca mo’ passa pi omu furtunatu!

Operazioni, letture e riassunti
compusizioni, puisìi e puru cunti.

Era nu prièsciu quandu t’interrocava,
mi li ‘rricordu  ‘ncora li cosi ca spiecava.

Iddu n’è fatti crèsciri, la vita n’è ‘nsignàtu
e osci simu fi li ti quddu ca nn’è datu.

Ogni tre misi ‘satti, facìa la pagella,
cu garbu la mintìa po’intr’allà cartella:
quandu ‘rrivava a casa, li voti  iu liggìa
a màma e sìrma, straccati ti fatìa.

Lu votu alla cundotta, ce li facìa cuntienti:
pì loro, senza quedda, no ‘ddivintàvi niènti!

Girandu sotta e sobbra una l’agghiù truvata:
simbrava scritta ièri, com’èra ‘rricuardata.

Liggendu ce dicìa ti mè lu mestru mia,
nu ‘nuètucu mi venni, na làcrima scindìa.

Iu tannu era vagnoni e ancora no capìa,
li cosi ca sirvìunu po’ pì la vita mia.

“Tucaziòni, rispettu e dignità,
sontu cosi ca no v’hann’a mancà”.

Sempri sti cosi lu mestru nni ticia,
sia ca mo’ lu sentu intr’a  li recchi mia.

Nì l’amu fatiàta tant’anni la pagnotta,
ma comu n’è sirvutu lu votu alla cundotta!

All’ombra no si stava, lu jentu fuchisciava,
lu soli a menzatìa a pièrnu ti  brusciàva.

Ci nc’èra lu faùgnu, la capu ti scuppiava,
l’aria cussì  pisanti, ca no si rispirava.

No nc’èrunu  li mezzi ca nci stannu moni,
sunnandu cosi  frischi pinzavi allu spumoni.

Pì strata o ‘ntra li casi  nienti si suppurtava,
jat’a  ci scìa a mari o fori cu ‘nnuttava.

Cavaddi cu traìni, tendi pi sci’ alli bagni,
“Pisciaquazetti”, “Arturu”: li spiaggi ti Misciagni.

Lu ‘mmìli ‘ntrà lu puzzu l’acqua ti ‘ddifriscava,
ma lu muloni russu comu ti ‘ddicriava!

Lu megghiu tu l’acchiàvi all’anguli ti strata,
‘ddo ‘nc’era nu banconi, lu jacciu e la crattata.

Lu jacciu ‘mmugghicàtu, cussì nò si squagghiava,
cu faci la ‘ngranìta Viciènzi  lu crattàva.

Buttìgli, misi ‘nfìla, ti assenzi culuriti,
sirvìunu cu ‘ssuppi e cu bagni li ‘ngraniti.

Già lu bicchieri  ‘mmànu, ce friscu ca ti tava,
‘ssaggiàvi la ‘ngranìta e  la capu ti gilava.

Ca, ci nci  pienzi buenu, no nci vulìa nienti
pì fòttiri lu càutu e pì campà cuntienti:
Bastava na ‘ngranìta, fatta cu la crattata,
no pi lu jattu neru, ma pi la ‘ddifriscata.