Alla Pro-Locu
Puru auannu la Pro-Locu è organizzatu,
pi ci ‘ntra vari campi s’è affermatu,
la cunsegna ti li Premi “Parmi t’oru”
a sti crandi Misciagnisi, ca so loru.
Tutti quiddi ca lu Premiu hannu pigghiatu,
Misciagni nuestru no si l’erunu scurdatu;
tornunu sempri e tornunu ogni annu,
cussì comu prumessu prima cu si ni vannu.
E’ stata na sirata ti crandi cummuzioni
n’tra quedda curnici ti musaca e canzoni:
Genti nci nn’era e chiù no ni cacciava,
la chiazza ti Sant’Anna sia ca spittirrava;
puru la luna, appena s’è ‘nfacciata,
‘ddà s’è fi rmata e no s’è ‘rritirata.
Ci pienzi alli premiati, com’erunu emozionati
capisci quiddi lacrimi ca a nui nd’hannu sciulati,
speci quandu lu Premiu hannu pigghiatu,
uardandu ‘n cielu e a ci l’hannu dedicatu.
Hannu pinzatu a ci è ca no nci stava
ma ti ‘ddà sobbra comu li sta uardava.
So cosi belli, emozionanti assai
e “Grazi !” alla Pro-Locu c’ancora ndi li tai!